IPAR EUSKAL HERRIA ETA TARNOSE : ESKOLA GARRAIOETAKO IZEN EMATEAK EKAINAREN 15etik AGORRILAREN 2ra

 Eskola garraioetako izen emateak ama eskolatik lizeorainoko ikasleentzat iraganen dira ekainaren 15etik agorrilaren 02ra, Euskal Elkargoko webgunean.

Euskal Hirigune Elkargoko Mugikortasun Sindikatuak segurtatzen du, Euskal Herrian eta Tarnosen bizi diren eta eskolatuak diren 8700 ikasleen eskola garraioen kudeaketa. Egunero, hogei bat garraiolarien joan-jinek lurraldea zeharkatzen dute 500 zirkuituz osatua den sarea.

Izen emate moldeak

Aurten, eskola garraioetako izen emateak ama eskolatik lizeorainoko ikasleentzat, ekainaren 15etik agorrilaren 2ra egitekoak dira, www.communaute-paysbasque.fr webgunean, mugikortasuna sailean eta eskola garraioak erlaitzan.

Horretarako, erabiltzaileek beren erabiltzaile izena agertzen duen gutun bat ukanen dute. Erabiltzaile izen horri esker, beren esparru pertsonalera sartzen ahalko dira, dosierraren jarraibideaz jakinean izateko.

Argibide gehiagoren ukaiteko, erabiltzaileek eskola garraioen zerbitzua dei dezakete telefonoz, 05 59 44 77 77 zenbakira, astelehenetik ortziralera, 09:etatik 12:30era eta 13:30etik 17:00etara, edo e-mezuz, Cette adresse e-mail est protégée contre les robots spammeurs. Vous devez activer le JavaScript pour la visualiser. helbidera.

Elkargoaren Etxeei lotua den materiagabetzea:

2019-2020ko ikasturtearentzat, izen emateetarik %90ak Euskal Elkargoaren webgunearen bidez eginak izan ziren. Garapen iraunkorraren logikan, Mugikortasun Sindikatuak materiagabetze urratsa segitzen du 2020/2021eko ikasturteko sartzearentzat.

Hala ere, leku dedikatuak antolatuak dira Elkargoaren Etxeetan, internet konekziorik ez duten erabiltzaileentzat edo beren izena ematerakoan zailtasunak dituztenentzat.

Gehiago jakiteko

Eskola garraioen sarea erabiltzaileen beharrei egokitzen da. Ibilbideen kalkulagailua erabil dezakezu, bai eta lineetaz, geldilekuetaz eta tenoreetaz ari diren informazioak kontsulta ditzakezu Euskal Elkargoaren webguneko eskola garraioen erlaitzean.